Moodle-ren ezaugarri nagusiak

Moodle ikastaroen kudeaketarako sistema da: irakasleari on-line moldeko ikastaroak kalitatez eta erraz sortzen laguntzeko software-multzoa da. E-irakaskuntzako sistema hauei modu askotan deitu zaie: Ikaskuntza Kudeatzeko Sistemak (LMS) edo Ikasteko ingurune birtualak (VLE).

Hona hemen, sistemako administratzailearentzat interesgarri suerta daitezkeen ezaugarri orokorrak:

• Moodle Unix, Linux, Windows, Mac OS X, Netware eta PHP onartzen duten bestelako sistema eragileen gainean ejekutatzen da (Web ostalari gehienek onartzen dute).

• Moodle era modularrean dago diseinatuta. Hartara, erraztasun handia ematen du hainbat eta hainbat funtzio gehitzeko (eta kentzeko) maila askotan.

• Moodle oso erraz eguneratzen da bertsio batetik hurrengora (eguneratzeko eta datu-baseak aldian-aldian konpontzeko barne-sistema du).

• Moodle-k datu-base bakarra erabiltzen du (beharrezkoa izanez gero, beste aplikazioekin konparti dezake).

• Moodle-k datu-baseen abstrazio osoa erabiltzen du, datu-baseen mota behinenak onartzen ditu.

• Enfasi handia jarri da plataforma osoaren ziurtasunean: formulario guztiak berrikusten dira, kokiak enkriptatzen dira, e.a.

Irakasleentzat interesgarri izan daitezkeen beste ezaugarri batzuk:

• Moodle-k giza pedagogia konstruktibista eta soziala bultzatu nahi du (lankidetza, jarduerak, hausnarketa kritikoa, e.a.)

• Moodle egokia da online erako eskolak emateko, baina baita aurrez aurreko ikaskuntzaren osagarri gisa ere.
  

• Moodle-k teknologia erraz, arin, eraginkor eta bateragarrian egindako nabigatzaile-interfaza du.

• Moodle erraz instalatzen da PHP onartzen duen ia edozein plataformatan. Datu-base izatea baino ez du eskatzen, eta hori ere konparti dezake.

• Ikastaro-zerrendak zerbitzarian dauden ikastaro guztien deskribapen laburra erakusten du, eta baita horietara bisitari gisa sartzeko aukera ere.
  

• Ikastaroak kategoriaka sailka daitezke eta horien bilaketarako aukera ere ematen du (Moodle gune batek milaka ikastaro izan ditzake)

• Testua idatzi beharreko eremu guztietan WYSIWYG erako HTML editorea erabiliz idatz daiteke (baliabideak, foroetako mezuak, egunkarietako sarrerak, e.a.)