3.1 jarduera: Osagai kognitiboa
Aldiak
Eragiketa kognitiboa lau alditan banatzen da:
-
Aktibazioa: partaideren batek atzemandako edo sortutako arazo edo erronka batetik sortzen da eta ikas-esperientzia batean du oinarri. Ikastaroko edozein partaidek has dezake aldi hau.
-
Esplorazioa: aldi honetan partaideek ideiak trukatzen dituzte. Beharrezkoa da arazoaren izaria ulertzea eta informazio esanguratsua lortzea. Aldi honen amaieran ikasleek informazio errelebantea bereizten hasi beharko dute. Aldi honen ezaugarriak dira ideiak eta informazioa partekatzea eta galderak egitea.
-
Integrazioa. Aurreko aldian sortutako ideietan oinarrituta, ezagutzak eraiki behar dira orain. Foroko eztabaidetan ideiak lotu eta esanahia eraiki behar da.
-
Ebazpena. Arazoa edo erronka ebazteko unea da, ikuspuntu kritiko batetik hipotesiak eta aukerak alderatuta.