3.1 jarduera: Informazioa birtualitatean
Moodle-tik kanpoko fitxategiak
Web 2.0 izenekoak egin dituen ekarpen nagusienetako bat edukien zabalkundea eta berdifusioa da. Gaur gaun asko dira propio edukiak partekatzeko sortu diren guneak. Horiei esker posible da era guztietako fitxategiak bildu, partekatu eta eskuratzea interneteko beste aplikazio askotatik.
Izan ere, interneteko erabiltzaileen artean gero eta ohikoagoa da fitxategiak ez gordetzea norberaren ordenagailuan bakarrik. Gauden tokian gaudela eta une jakin baten esku artean dugun dispositiboa dugula (ordenagailua, eramangarria, tableta....), oso erabilgarria da gure dokumentuetarako sarbidea izatea. Horri hodeian konputatzea esaten zaio, hau da, edukiak interneten ditugu eta edonondik eskura ditzakegu.
Moodle-k ere hainbat gune eta euskarritan eskura dauden edukiak nork bere ikastarora ekartzeko modua ematen du.
Ikus ditzagun kanpoko aplikazio horietako batzuk, onartzen duten fitxategi-motaren arabera.