Tutoreak bere gunea behar du ikasleei esan nahi diena esan ahal izateko. Honako ezaugarri hauek beharko lituzke:
Tutoreak baino ez luke erabili beharko, guztion arteko elkarrizketak tutorearen mezua estali ez dezan. Gainera, ziurtatu egin behar da tutoreak bertan esandakoa nahi ta nahi ez ikasleari heldu egiten zaiola. Nabarmena izan behar du eta ikasleak argi ikusteko moduan izan, bila ibili behar gabe.
Horrelakoetan gehienetan instrukzioak erabiliko dira, argibideak eta aginduak. Ez du baloraziorik behar. Bertako mezuen tonua serioa da. Argiak eta zehatzak izan behar dira eta ahal denik eta neutroenak, interpretaziorako aukerak murriztuz.
Zein izan daiteke zure ustez, horretarako baliabide egokia?