B1 ikastaroaren apunteak

KOMUNIKAZIO FUNTZIOAK ETA LEXIKOA

Denbora esapideak

DENBORAREN JOANEAN UNE BAT ADIERAZTEKO

Denboraren joanean une bat modu askotara adieraz daiteke, erreferentziatzat hartzen den puntuaren arabera.

Iraganeko une bat adierazteko
  • bart, atzo, herenegun / gaur zortzi
  • aspaldi, antzina, behin (batean), garai batean, lehen
  • lehengo egunean, astean, hilean, urtean
  • joan den (= pasa den) egunean, astean, hilean
  • hilaren batean, bian, hiruan
  • txikitan, umetan, gaztetan
  • x urte nituela / x urte nituenean / x urterekin
  • orain dela asko , gutxi / x egun, aste, hilabete
  • x egun, aste...dira gertatu zela
Etorkizuneko une bat adierazteko
  • laster, gero, bihar, etzi / gaur zortzi
  • datorren astean, hilean, urtean
  • handitan, nagusitan
  • x ordu, egun, aste... barru
  • hemendik x ordu(ta)ra, egune(ta)ra, aste(ta)ra...
  • x egun, aste, hilabete (pasatu) baino lehen

Erreferentzia puntua iraganeko une bat bada, une horren ondorengoa adierazteko
  • hurrengo egunean, astean, hilean, urtean
  • handik gutxira, lasterrera / x egune(ta)ra, aste(ta)ra...
  • x egun, aste hilabete... beranduago / geroago
  • x egunen, asteren, hilabeteren, urteren... buruan

Ekintza baten iraupena adierazteko

Ekintza baten iraupena oro har, denbora neurriari Zerez, Non eta Nondik-Nora kasu markak erantsiz adierazten da

Aditzik ohikoenak hauek dira: egon, ibili, jardun, bizi izan, iraun, itxaron...
  • Ordubetez jardun dugu hizketan
  • Hiru orduz egon naiz zain
  • Lau urte ibili zen lanean
  • Urte askotan bizi izan naiz kanpoan
Urtarriletik otsailera (bitartean) kanpoan izan naiz

Beste zenbait aditzekin berriz, Nor kasua erantsi behar zaio denbora neurriari.

Aditzak: eman, egin, igaro, eraman, kostatu, pasatu....
  • Astebete eman dut ikasten
  • Hamar urte egin ditu Alemanian
  • Eguna txarto pasa dut
  • Gaua ondo igaro dut
  • Egunak daramatza etxetik irten gabe
  • Ordu erdi kostatu zait amaitzea