2. jarduera: sortu galdetegia
Galdetegia izeneko moduluak test moduko galdera-sortak sortu eta ikasleen esku jartzea ahalbidetzen du. Horien erabilera, jakina, anitza izan daiteke baina nagusiki bi funtzio bete dezakete:
- Edukien lanketa bultzatzea
- Edukien ebaluazioa egitea
Galdetegiak hainbat ezaugarri ditu: denbora mugatuan erantzutekoa izan daiteke ala ez, data eta ordu jakin batean zabaldu eta itxi daiteke, saiakera bat baino gehiago onar daiteke...
Hona hemen, beraz, bigarren jarduera:
Gehi ezazu galdetegi bat praktiketarako ikastaroan, beheko ezaugarriei erreparatuta
Galdetegiaren ezaugarriak
- Nahi duzun izena eta sarrera idatzi
- Aukera itzazu galdetegia zabaltzeko nahiz ixteko datak
- Hiru saiakera baimenduko dira
- Denbora-muga gaitu (15 minutu)
- Beste ezarpenak zeuk aukeratu (bestela berezko baloreak bere horretan utzi)
Galderak:
- Galdetegiak 9 galdera izango ditu. Lehena deskribapena izango da; horren jarraian 2 galdera egia/gezurra erakoak; beste 2 aukera anitzekoak; 2 entsegua motakoak eta beste 2 enuntziatuak lotzekoak.
- Galderak ez dira nahastuko baina erantzunak bai
- Kalifikaziorako metodoa notarik altuena izango da